تحكيش ليش غادرت المعبر خود عندك بالبلدي ..هذا ماكتبة العقيد امجد البنا . .

تحكيش ليش غادرت المعبر خود عندك بالبلدي ..هذا ماكتبة العقيد امجد البنا . .

2٬779 Views

هذا ماكتبة العقيد امجد البنا . .

تحكيش ليش غادرت المعبر خود عندك بالبلدي ..

احنا مش كبري لحد غادرنا بشرف وبايد نظيفة
حتى بدون رواتب وبقرار من قيادتنا الحكيمة لانو بالفعل وجودنا شكلي عالمعابر وبدون مقومات مش هنا المشكلة

احنا خدم لشعبنا وحاولنا التخفيف عنهم غادرنا بكل شرف واخلاص وتفاني خود عندك ليش غادرنا

*لما جندي من حماس امس بوقفني عقيد ومدير صالة ٣ ساعات على بوابة المعبر بمهانة في الليل و البرد وبعدين افوت بتنسيق لمتابعة عملي وخدمة الناس تحكيش ليش غادرت

* لما يداهمو منازل موظفينا ويلاحقوهم ويبعتو تباليغ تحكيش ليش غادرت

* لما اشوف مسافرين بسافرو بعد اسبوع من العودة بدون تسجيل وناس مسجلة من سنة مش قادرين يسافرو بكل الفئات وانا مش قادر اعمل حاجة تحكيش ليش غادرت

* لما يجي تاجر مخدرات وممنوعات وتريمادول ويتم مصادر مضبوطاته ويروح يتسرمح في غزة ويشوفني بالشارع ينتقم مني ومقدرش اوقفو ولا اخد في اجراء تحكيش ليش غادرت

* لما اتلف كل اطعمه فاسدة بتدخل البلد وتشوفها دخلت من مكان تاني ولا معبر ولا دكانة تانية قطرية ولا غيرو تحكيش ليش غادرت

* الرمز ابو عمار والرئيس ابو مازن وكل قياداتنا عند السفر كانو يتواضعو وقوفا على الكانتر احتراما لسيادة وختم الدولة ويختمو جوازاتهم واليوم لما يطلع وفد لفصيل تنظيمي من البوابة المصرية ويخرج من المعبر وما ينزل للمعبر ولا حتى يرد عليك السلام وللاسف غير حماس حتى بعض فصائل من المنظمة تحكيش ليش غادرت

* لما اخلع بدلتي العسكرية داخل المعبر واروح بيتي مدني وما اقدر حتى البسها في سيارتي وامام ابنائي لسنة تحكيش ليش غادرت

* لما اتعرض لضغط اجتماعي مهوووول من المحتاجين للسفر سببلنا احراج كبير من ماكنة اعلامية انو السفر في ايد موظفين رام الله ورام الله ماسكة المعبر واجرائات السفر والتسجيل كلو مش بايدك وهو يسفر وانا اخد سواد الوجه والاحراج تحكيش ليش غادرت

* بس حقيقتا قياداتهم لما بحكو معنا بحكو بكل احترام وبحكو ما عنا علم، وهادي حاللات فردية ، طيب مين هادول ومين عندو علم ؟

* لما اصادر مواد ممنوعة ويجي صاحبها بشوية مرتزقة يهاجم المعبر واواجهو بصدر عاري ويصاب موظفين بجروح خطيرة ومش قادر اخد اجراء ولا ادافع ولا في ايدي سلطة تحكيش ليش غادرت

* لما يجيني مسافر بجواز سفر بالي وتالف ومجدد من غزة ودوليا ممنوع التعامل في تحكيش ليش غادرت

* لما موظفين السلطة المسافرين يتم استجوابهم لساعات خارج المعبر ويتاخر العمل والجانب المصري يلومنا في التاخير واحنا كنا نتعامل مع كل فئات الشعب دون تمييز ولا عنصرية وبكل ادب واحترام تحكيش ليش غادرت

* اسباب كتير لا تعد ولا تحصى من المهانة والذل عشناها في سنه دون مقومات بس عشان خدمة ابناء شعبنا ومحدش يحكي لا تنشر طفح الكيل احنا مش كبري ولا ختامة ولا بوابين عشان يفتح المعبر باسمنا ومش ماسكين منو حاجه
حقيقتا شعبنا يستحق الحياة والمعاملة الكريمة وصبرنا عشانكم

نعم للقيادة تمكين فعلي عالمعابر او بلاها نشوفكم على خير احبابي في امان الله ❤

Be Sociable, Share!